Upplýsingar

Hátíðarsvæði

Skipulagt hátíðarsvæði er Kvosin þ.á.m. Austurvöllur, Kirkjustræti, Templarasund og Tjarnargarðar  Umferð er takmörkuð um þessi svæði og torgsala er óheimil án leyfis. Umsjón með dagskrá þjóðhátíðar í Reykjavík hefur þjóðhátíðarnefnd á vegum Íþrótta- og tómstundaráðs Reykjavíkur en Hitt Húsið sér um framkvæmdina.

Umsóknarfrestur um að vera með skemmtiatriði eða viðburði rann út fimmtudaginn 12. maí.

Upplýsingar í síma 411 5502 eða á 17juni@reykjavik.is.

Týnd börn

Upplýsingar um týnd börn í Ráðhúsinu og í Hinu Húsinu Pósthússtræti 3-5, sími 411 5500

Sölutjöld á 17. júní í Reykjavík

Skilyrði fyrir því að umsækjandi hafi möguleika á leigu á stæði undir sölutjald (úthlutun) er að um sé að ræða félagasamtök er sinna æskulýðs- íþrótta- og félagsstarfi í Reykjavík. Einstaklingar og fyrirtæki, sem og önnur félagasamtök en þau er uppfylla skilyrði eiga því ekki rétt á úthlutun. Upplýsingar um almenn torgsöluleyfi er að fá hjá Umhverfis- og skipulagssviði Reykjavíkurborgar. Vakin er athygli á því, að lausasala á hátíðarsvæðinu er bönnuð.

Kort af hátíðarsvæði.

Kort af hátíðarsvæði

 

Takmörkun á umferð

Götulokanir á 17. júní kl. 9-12

Kl. 9-12 eru takmarkanir á umferð í kringum Austurvöll vegna morgunathafnar. Göturnar Skólabrú, Kirkjustræti og Templarasund eru lokaðar. Um kl. 12 fer skrúðganga um Kirkjustræti og Suðurgötu í Hólavallakirkjugarð

 

Götulokanir á 17. júní kl. 12-18

Kl. 12-18 eru götur lokaðar í kringum tjörnina vegna fjölskyldudagskrár á tjarnarsvæðinu

Göturnar Fríkirkjuvegur, Sóleyjargata, Bjarkargata, Tjarnargata og Skothúsvegur eru lokaðar.

Skálholtsstígur er lokaður fyrir neðan Laufásveg. Bragagata er lokuð fyrir neðan Fjólugötu og Fjólugata er lokuð norðan við Bragagötu. Kl. 12-13:30 geta orðið truflanir á umferð á Laugavegi og í Lækjargötu vegna skrúðgangna og aksturs fornbíla

Við bendum einnig á að á vef Bílastæðasjóðs er hægt að sjá hve mörg laus stæði er að finna í bílasæðahúsum borgarinnar.