You are here

Þjóðhátíð

Þjóðhátíð var fyrst haldin 1874 til að minnast þess að 1000 ár voru frá upphafi Íslandsbyggðar. Fór hátíðin fram á Þingvöllum og í Reykjavík fyrstu helgina í ágúst. Í nokkur ár á eftir voru haldnir þjóðminningardagar og enn er haldinn frídagur  verslunarmanna og þjóðhátíð í Vestmannaeyjum á þessum tíma sumars.

Fyrst var haldið opinberlega upp á 17. júní árið 1911 á 100 ára afmæli Jóns Sigurðssonar en 17. júní varð ekki þjóðhátíðardagur Íslendinga fyrr en með stofnun lýðveldisins 1944. Í aðdraganda lýðveldisstofnunar gegndi 1. desember hlutverki þjóðhátíðardags því þann dag árið 1918 varð Ísland fullvalda ríki en þó í konungssambandi við Danmörku. 

Í Reykjavík hefur þjóðhátíðardagurinn verið haldinn hátíðlegur með sérstakri hátíðadagskrá á Austurvelli, skrúðgöngum, barnaskemmtunum, íþróttum, tónleikum og dansleikjum og fer dagskráina að mestu fram utanhúss. Lengst af hafði íþróttahreyfingin veg og vanda af hátíðarhöldunum en síðari ár hefur Íþrótta- og tómstundaráð Reykjavíkur borið hitann og þungann af dagskrárgerðinni.

Innskráning